O Campionato de España Absoluto de Karate aterra en Pontevedra: "O nivel vai ser impresionante"
Por Diego Espiño
Todo listo para que o Pavillón Municipal dos Deportes acolla entre o venres 5 e o domingo 7 de abril o Campionato de España Aboluto de Karate e Para-Karate.
Serán preto de medio milleiro os deportistas que participarán no evento, o cuarto de nivel nacional que acolle a Boa Vila pero o de maior nivel ata a data.
De feito segundo o presidente da Federación Española de Karate, Antonio Moreno, "o nivel do campionato vai ser impresionante tanto en karate como en parakarate, vindo os campións do Mundo e os campións de Europa. E ademais é clasificatorio para Croacia porque de aquí a dous meses temos o Campionato de Europa", explicou na presentación do torneo acompañado do alcalde de Pontevedra, Miguel Anxo Fernández Lores; o secretario xeral para o deporte da Xunta, José Ramón Lete; e o presidente da Federación Galega de Karate, Óscar Lafuente.
"Quero animar a toda a veciñanza de Pontevedra a que veña e goce deste evento e das diferentes modalidades que competirán", sinalou de feito o presidente da federación autonómica.
Dentro da programación prevista destaca a homenaxe que a Federación Española realizará ás 18.30 horas do sábado ao equipo nacional feminino recentemente proclamado campión do mundo, así como aos campións de para-karate.
"Seguiremos traballando á hora de seguir traendo este tipo de citas, mesmo máis grandes na medida que contemos con mellores instalacións deportivas", afirmou pola súa banda na súa intervención Miguel Anxo Fernández Lores.
Relacionadas:
-
Arranca en Pontevedra o Campionato de España Absoluto de Karate e Para-Karate
Por Redacción & Mónica Patxot |
-
A canteira do Gimsport lócese no Campionato Galego
Por Redacción |
-
E tras o tríatlon... Un 2024 tamén con grandes eventos internacionais de loita e ciclocrós
Por Diego Espiño |
-
O Campionato de España Absoluto de Karate de 2024, en Pontevedra
Por Diego Espiño |