Tere Abelleira, na lista de España para os dous primeiros partidos de clasificación para a Eurocopa de 2025
Por Diego Espiño
A Selección Española Absoluta ofreceu este mércores a súa primeira convocatoria oficial tras proclamarse campioa da UEFA Women's Nations League, e na lista mantense como peza fixa Teresa Abelleira.
A futbolista pontevedresa, que na fase final a catro da Liga de Nacións non dispuxo de minutos ao chegar arrastrando problemas físicos, si está agora en plenas condicións para afrontar con España os dous primeiros partidos de clasificación para a Eurocopa 2025 que se celebrará en Suíza.
Abelleira é unha das 23 xogadoras citadas por Montse Tomé para o dobre compromiso internacional previsto para os días 5 e 9 de abril.
En concreto a Selección estreará o 5 de abril (20.45 horas) a fase de clasificación ante Bélxica no Estadio Dean Dreef de Leuven, mentres que o día 9 (19.00 horas) medirase a República Checa no Estadio El Plantío, en Burgos.
As xogadoras seleccionadas arrincarán a concentración o vindeiro luns, 1 de abril, na Ciudad del Fútbol de Las Rozas.
— Selección Española Femenina de Fútbol (@SEFutbolFem) March 27, 2024
Estas son las futbolistas elegidas por @montse_tome para disputar los dos primeros partidos de clasificación a la Eurocopa de 2025.
¡Queremos estar en Suiza!#JugarLucharyGanar I #WEURO2025 pic.twitter.com/2dkQoe7CR8
Relacionadas:
-
Tere Abelleira celebra con España o título da Nations League
Por Diego Espiño |
-
España esfolla a margarida: Tere Abelleira, descartada para a semifinal da Liga de Nacións
Por Diego Espiño |
-
Tere Abelleira, ás voltas co seu futuro: "Todo está por decidir, pero non pecho opcións a nada"
Por Diego Espiño |
-
Tere Abelleira, 'entre algodóns', apura as súas opcións de estar na fase final da Liga de Nacións
Por Diego Espiño |
-
España inicia a súa concentración pendente do estado físico de Tere Abelleira
Por Diego Espiño |