O Real Oviedo retransmitirá en aberto o partido do seu filial contra o Pontevedra
Por Redacción
Os afeccionados do Pontevedra Club de Fútbol están de parabén, e é que poderán seguir as evolucións do seu equipo a próxima xornada, no seu desprazamento ao campo do Real Oviedo Vetusta, en directo e de maneira gratuíta.
Tal e como avanzou PontevedraCF.Net, o Real Oviedo anuncia xa a emisión do encontro do domingo 3 de marzo (12.00 horas) do seu filial a través da canle oficial de Youtube do club.
Un encontro importante para ambos os dous equipos, para o Pontevedra para repoñerse do tropezo contra o Zamora e tentar recuperar canto antes o liderado e para o Vetusta para escapar dun descenso que ten a un só punto.
O filial ovetense (posto 12 con 28 puntos), chega iso si nun dos seus mellores momentos do curso tras ter sumado tres triunfos consecutivos fronte a Cayón, Guijuelo (na casa) e Coruxo.
Desde o cambio de século, o Pontevedra visitou en tres ocasiones o segundo equipo do Oviedo, cunha derrota (01-02), un triunfo por 0-1 (tempada 19-20) e un empate sen goles (curso 20-21).
Relacionadas:
-
Dez xornadas de infarto para decidir o ascenso: este é o camiño de Pontevedra, Ourense e Zamora
Por Diego Espiño |
-
Yago Iglesias: "Non tivemos a eficacia destes días e o Zamora tivo tres e marcou tres"
Por Almu Dapena & Cristina Saiz |
-
Paso atrás do Pontevedra, que perde o liderado ante o Zamora (1-3)
Por Almu Dapena & Cristina Saiz |