Tere Abelleira, ás voltas co seu futuro: "Todo está por decidir, pero non pecho opcións a nada"
Por Diego Espiño
A Selección Española de Fútbol segue sen despexar a incógnita de se Tere Abelleira e Alexia Putellas estarán na lista oficial de España para a fase final da Liga de Nacións, que arrinca este venres 23 de febreiro en Sevilla coa semifinal fronte aos Países Baixos na que un triunfo supoñería a clasificación para os Xogos Olímpicos.
A intención da seleccionadora é esperar o máximo posible, ata o día do partido, para confirmar cales son as dúas descartadas na convocatoria, aínda que nin Tere nin Alexia teñen aínda a alta médica das lesións que sufriron nas últimas semanas.
Iso non impediu á pontevedresa desprazarse co resto da expedición da Selección este xoves a Sevilla, e a ser protagonista dalgunha entrevista como a concedida a Deportes COPE, na que entre outras cousas falou do seu futuro.
O contrato da campioa do mundo pontevedresa co Real Madrid expira o próximo mes de xuño, por iso non é asunto menor pensar nas súas posibilidades de cara ao próximo curso.
"Aínda queda moita tempada e todo está por decidir, pero non pecho opcións a nada", recoñeceu Abelleira asegurando que quere centrarse na súa recuperación e en terminar da mellor maneira posible a campaña. "Aprendín a sacar as cousas da cabeza e estar centrada, hai que barallar pros e contras e xa se verá", afirmou.
En canto á tempada en curso, na que o Real Madrid non cumpriu co que se esperaba do proxecto ao caer elminado moi pronto da Liga de Campións, Tere recoñeceu que "aspirabamos a cousas máis grandes, pero tamén hai que poñer todo en contexto e ver que somos un equipo que acaba de nacer", en comparación coa traxectoria do Barcelona, aínda que "pronto tentaremos darlle á afección a alegría que busca".
Tere Abelleira soña ademais con estar nos próximos Xogos Olímpicos, algo que España conseguirá se gaña o venres aos Países Baixos. "Non pensamos en dobres opcións hai que gañar como sexa e a iso imos ir", sinalou convencida de superar a "un rival moi difícil" que xa no Mundial levounas ao límite, tendo que decidirse o seu cruzamento na prórroga.
Relacionadas:
-
Tere Abelleira, na lista de España para os dous primeiros partidos de clasificación para a Eurocopa de 2025
Por Diego Espiño |
-
Tere Abelleira celebra con España o título da Nations League
Por Diego Espiño |
-
España esfolla a margarida: Tere Abelleira, descartada para a semifinal da Liga de Nacións
Por Diego Espiño |
-
Tere Abelleira, 'entre algodóns', apura as súas opcións de estar na fase final da Liga de Nacións
Por Diego Espiño |
-
España inicia a súa concentración pendente do estado físico de Tere Abelleira
Por Diego Espiño |
-
A clasificación para os Xogos Olímpicos, próximo reto para Tere Abelleira
Por Diego Espiño |
-
VÍDEO.- Teresa Abelleira e Daniel Froiz agradecen o recoñecemento desde a distancia
Por Natalia Puga |
-
Tere Abelleira revisa a súa vida de "Campioa" na presentación do libro no Teatro Principal
Por Cristina Saiz & Anxo Lourido |
-
Un ano con 'estrela' de campioa do Mundo para Tere Abelleira e o fútbol pontevedrés
Por Diego Espiño |
-
Tere Abelleira: "Xa podo dicir que xoguei no estadio da miña cidade"
Por Almu Dapena |