Asegurada a permanencia, o Bádminton Ravachol soña ao grande "cos play-off polo título e seguir facendo historia"
Por Diego Espiño
Co seu triunfo a pasada fin de semana en Madrid o Club Bádminton Ravachol Pontevedra asegurouse competir o próximo curso, por quinta tempada consecutiva, na División de Honra, pero agora quere máis e soña con facer algo grande na máxima categoría nacional.
"O obxectivo principal está conseguido, seremos equipo de División de Honra por quinto ano consecutivo, agora só quédanos seguir soñando cos play-off polo título e seguir facendo historia para o bádminton pontevedrés e galego", afirmaba tras o encontro fronte ao paracuellos o capitán do equipo, Gabriel Fernández.
Non é para menos, e é que o Ravachol é actualmente colíder do Grupo A de División de Honra con 15 puntos, os mesmos puntos que o actual subcampión de Europa, o IES La Orden de Huelva.
"Esta tempada as cousas están a saírnos ben, a pesar de varias lesións importantes que minguaron o equipo. Afrontamos o tramo final da liga coa tranquilidade de ter o traballo feito, pero coa ilusión de poder alcanzar esas semifinais de División de Honra, algo nunca visto por un equipo galego desde que existe este formato de liga", recoñece pola súa banda o director deportivo e adestrador do Bádminton Pontevedra, Jesús Pereiro.
Chegados a este punto, todo é posible, e por iso esperan con ilusión a que será a penúltima xornada da primeira fase da liga, o próximo 25 de febreiro, data na que recibirán no Pavillón Municipal precisamente o IES La Orden nun encontro no que estará en xogo a primeira posición de grupo. O Ravachol xa venceu na ida (3-4) e pelexará por repetir na volta para seguir soñando con facer historia para o bádminton pontevedrés e galego.
Relacionadas:
-
Georgina Bland, elixida mellor xogadora da tempada na División de Honra de Bádminton
Por Diego Espiño |
-
O Bádminton Ravachol cae con honra en Sevilla nas semifinais polo título de liga
Por Diego Espiño |
-
Derrota en Oviedo para un Ravachol que perde o factor cancha para a semifinal polo título
Por Redacción |
-
Dobre medalla de bronce para o Bádminton Ravachol no Máster Nacional Sub-19 de Tordesillas
Por Redacción |
-
O Bádminton Ravachol fai historia e xogará o play-off polo título en División de Honra
Por Redacción & Cristina Saiz |
-
Raúl Bergua triunfa no Máster Nacional de Bádminton de Alfajarín
Por Redacción |
-
Triunfo do Bádmiton Ravachol para seguir no alto da División de Honra
Por Redacción |
-
Histórico liderado do Bádminton Ravachol na División de Honra
Por Diego Espiño |
-
O Bádminton Ravachol vence o Oviedo e inicia o ano mirando aos postos altos da División de Honra
Por Redacción & Cristina Saiz |
-
O Bádminton Ravachol celebra o seu triunfo na casa do actual subcampión de Europa
Por Redacción |