O Arxil leva o derbi ante o Cortegada (52-48)
Por Redacción & Cristina Saiz
O Club Baloncesto Arxil impúxose este sábado ao Cortegada tras un igualado encontro que se saldou polos detalles.
Custoulle ás pupilas de Mayte Méndez entrar no partido e rapidamente o equipo vilagarcián púxose cunha vantaxe de 2-11 no luminoso. Con todo, o acerto desde a liña de tres de Miriam García e Carolina Ribeiro permitiron ás verdes reaccionar e marchar ao final do primeiro cuarto cunha lixeira vantaxe (16-15).
O Arxil ampliou a diferenza ao comezo do segundo, pero o Cortegada, lonxe de baixar os brazos, seguiu de cheo na pelexa para enviar o encontro ao descanso en empate a 27.
Tras o paso polos vestiarios mellorou o conxunto local, que volveu tomar a dianteira para irse ao último cuarto cunha renda de tres puntos (38-35).
Apareceron nese momento Forster e Trajchevska para botar o equipo ás súas costas e conseguir a máxima vantaxe da tarde (+11), pero o Arxil, afeito sufrir, viu perigar o triunfo cando case o tiña no peto.
E así, a falta de pouco máis dun minuto para a conclusión, Lauren Loven puxo contra as cordas ás locais e apertou o marcador en dous puntos, pero Carolina Ribeiro, desde a liña de tiros libres, deulle osíxeno ao seu equipo para facerse co triunfo final por un axustado 52-48.
Consulta as estatísticas nesta ligazón
Relacionadas:
-
Nerea Liste e os seus números de 'MVP' ata nos días complicados
Por Redacción |
-
Dura derrota do Arxil na casa dun Ponce Valladolid en postos críticos (74-65)
Por Redacción |
-
Dominio do Arxil e vitoria ante o Barna (78-45)
Por Redacción |
-
O Arxil conquista a cancha do líder Segle XXI (61-70)
Por Redacción |
-
Nerea Liste, un amargo MVP para o Arxil no seu partido máis complicado
Por Redacción |
-
Un mal segundo cuarto impide o Arxil asaltar o segundo posto (73-47)
Por Redacción |
-
Satisfacción no Arxil tras rematar a primeira volta en postos de play-off de ascenso
Por Redacción |
-
Tropezo do Arxil en León (86-79)
Por Redacción |
-
Solvente triunfo do Arxil ante o Tenerife (79-46)
Por Redacción |