Éxito organizativo e de medallas para o TM Monte Porreiro no Preestatal de tenis de mesa
Por Almu Dapena & Cristina Saiz
O Tenis de Mesa Monte Porreiro foi o anfitrión durante esta fin de semana do Torneo Preestatal celebrado no pavillón multiusos da Xunqueira de Pontevedra, onde preto de 500 deportistas de Aragón, Navarra, A Rioxa, País Vasco, Asturias e Galicia demostraron a súa mellor versión para clasificarse para o Estatal que se celebrará este ano en Tarragona.
Entre eles estaban precisamente xogadores de todas as idades do equipo pontevedrés. "Moitos nenos gañaron os seus partidos e temos moitos postos entre o seis e o doce", explicou o adestrador Nando Álvarez.
Ademais, o Monte Porreiro logrou unha medalla de ouro con Judith Cobas en sénior feminino; as pratas de Daniel Baena (infantil masculino), Brais Díaz (cadete masculino) e Claudia Canay (senior feminino); os bronces de Alba Prado (infantil feminino), Matías Bentancor (infantil masculino) e Mariña García (cadete feminino); e os cuartos postos de Emma Álvarez (infantil feminino), Laura Forte (cadete feminino), Miguel Álvarez (benjamin masculino) e Sonia Villaverde (veterana +40).
Neste sentido, o técnico explicou que se van "moi contentos" tanto polos resultados como a organización e, aínda que "houbo problemas de condensación pola choiva, puidémolo resolver ben".
Destacou ademais que en xeral as sensacións foron "moi boas" despois de organizar a Europa Trophy e o Preestatal, subliñando a gran asistencia que houbo este último torneo con preto de 1.000 persoas congregadas durante o sábado no pavillón multiusos.
Relacionadas:
-
Recepción municipal a Judith Cobas tras o seu triunfo no Torneo Estatal de tenis de mesa
Por Redacción |
-
Judith Cobas, flamante campioa do Torneo Estatal de tenis de mesa
Por Diego Espiño |
-
Táboas para o TM Monte Porreiro na súa visita ao Collado Mediano
Por Diego Espiño |
-
O TM Monte Porreiro morre na beira fronte a Les Borges Vall (2-4)
Por Diego Espiño |
-
Empate do TM Monte Porreiro fronte ao Irún para arrancar o ano na Superdivisión masculina
Por Diego Espiño & Cristina Saiz |
-
O TM Monte Porreiro supera o Hortitec Alzira e despide o ano en terceira posición (0-4)
Por Redacción |
-
Adeus á aventura europea do TM Monte Porreiro: o Arteal leva o pase á seguinte rolda da Europa Trophy Cup
Por Redacción & Mónica Patxot |
-
O TM Monte Porreiro, anfitrión na primeira fase da Europa Trophy Cup
Por Diego Espiño |
-
O TM Monte Porreiro curta a súa mala serie vencendo o CTT Olot (4-2)
Por Diego Espiño |
-
Segunda derrota consecutiva dun TM Monte Porreiro 'tocado' pola grave lesión de Nico Galvano
Por Diego Espiño |