Buscan "solvencia e experiencia" para a dirección do Museo de Pontevedra
Por Diego Espiño
O Boletín Oficial da Provincia de Pontevedra (BOPPO) publicará este mércores 30 de xaneiro as bases da convocatoria para optar ao posto de director ou directora do Museo de Pontevedra, tras a xubilación de Carlos Valle.
Trátase dun proceso "ambicioso", cualificou o vicepresidente da Deputación, César Mosquera, no que "pretendemos que as persoas que se presenten vaian ao máximo, que veñan xa con experiencia demostrada".
Mosquera e o deputado provincial de Cultura, Xosé Leal, explicaron as bases dunha convocatoria coa que pretenden revitalizar a institución museística ante os retos que veñen nos próximos anos, como a renovación e reapertura dos edificios pechados na actualidade.
Os e as aspirantes contan cun prazo de 30 días para presentarse debendo elaborar un proxecto cos seus plans para o Museo, valorándose aspectos como a traxectoria investigadora, a experiencia previa ou o uso das novas tecnoloxías.
Para optar ao posto será necesario contar coa condición de funcionario ou laboral fixo do grupo A1 e posuír o título de licenciatura ou grao en Historia da Arte, Belas Artes ou similares dentro do ámbito das humanidades.
"Creo que o Museo de Pontevedera é un caramelo para moita xente da cultura", sinalou Xosé Leal, confiando en que se presenten un importante número de candidaturas.
Ademais, para tentar fortalecer o funcionamento da institución, o novo director do museo ocuparase fundamentalmente "da parte artística", deixando o labor administrativo en mans dunha nova xefatura que vai ser asumida por unha funcionaria provincial "de solvencia contrastada", Sonia Mateos.
A elección da persoa que dirixirá o Museo de Pontevedra realizarase a través dun órgano técnico de valoración "conformado por funcionarios de Cultura, Persoal e Secretaría", explicou Leal.
Relacionadas:
-
José Manuel Rey, novo director do Museo de Pontevedra
Por Diego Espiño |
-
Aberto o prazo de achegas para a elaboración do estatuto do organismo autónomo do Museo
Por Redacción |
-
Amigas e Amigos do Museo solicitan que a Xunta asuma a xestión do Museo de Pontevedra
Por Olaya Madrigal |
-
Coalición Son denuncia prácticas irregulares de contratación no Museo de Pontevedra
Por Redacción |
-
Comisións Obreiras alerta do perigo de "inxerencias políticas" da Deputación na dirección do Museo
Por Oskar Viéitez |
-
O deputado de Cultura agarda que esta semana saian as bases para a escolla da persoa que dirixirá o Museo
Por Mónica Patxot & Anxo Lourido |
-
A persoa que dirixa o Museo de Pontevedra escollerase nun concurso "por meritocracia pura e dura"
Por Oskar Viéitez |
-
A Deputación convoca un posto para dirixir o Museo tras a xubilación de Carlos Valle
Por Redacción |