O Centro de Emprendemento do Gaiás preséntase no Culturgal cos premios Sixto Seco na procura de proxectos innovadores
Os Premios Emprende Gaiás-Sixto Seco están consolidados como unha das apostas estratéxicas da Cidade da Cultura para favorecer a creación de novas empresas e de emprego no sector das industrias culturais e creativas de Galicia. Desde a súa primeira convocatoria, no ano 2013, presentáronse a estes premios arredor de 120 proxectos e ideas emprendedoras. Moitos deles mantéñense, a día de hoxe, como empresas cunha traxectoria consolidada, grazas ao apoio que se aporta desde o Centro de Emprendemento.
Impulsados pola Xunta de Galicia a través da Fundación Cidade da Cultura, os galardóns apostan polos emprendedores e emprendedoras galegos desde que dan os seus primeiros pasos, nun apoio que se materializa non só na achega económica que supoñen estes premios, senón tamén en acompañalos no seu camiño coa guía e o asesoramento de expertos que poñen o seu coñecemento e experiencia ao seu servizo, como sinalaba a directora xerente da Fundación Cidade da Cultura, Ana Isabel Vázquez, que invita a todas aquelas persoas que teñan ideas innovadoras a presentar os proxectos no CEM.
Este sábado 1 de decembro, ás 12.00 horas a Cidade da Cultura de Galicia presentará o obradoiro Cidade de Nadal para escolares a partir de 4 anos. No Culturgal vai amosarse unha pequena mostra dun dos obradoiros que se levará a cabo en Santiago de Compostela durante as vindeiras semanas. Trátase da creación de adornos para as festas con elementos naturais como froitas e froitos secos.
Relacionadas:
-
O Gaiás avanza no Culturgal como se transformará nunha "Cidade do Nadal"
Por Redacción |
-
Manolo Rivas, Luis García Montero, Ledicia Costas, Carlos Núñez e moito máis no sábado de Culturgal
Por Redacción |
-
O Culturgal abre as súas portas, preparado para acoller máis de 15.000 visitas en tres días
Por Mónica Patxot & Anxo Lourido |
-
Culturgal encara a súa segunda década visibilizando "a boa saúde do sector cultural" de Galicia
Por Natalia Puga & Mónica Patxot |