O Palacete das Mendoza acolle 'La Doncella y la Voz Errante', de Rafaela Gómez-Casero
Por Redacción
O mundo onírico de Rafaela Gómez-Casero chega á sala de exposicións do Palacete das Mendoza este venres 23 de setembro a partir das 19.00 coa inauguración de 'La Doncella y la Voz Errante', comisariada por Francisco Porto, director e fundador de Latamuda Produtora de Arte Contemporánea.
A ficción e a realidade combínanse nesta mostra, traspasando muros en proceso de deconstrucción. Cada imaxe desta secuencia narrativa reflicte o compleo "ir e vir" no espazo discursivo atemporal do soño.
Gómez-Casero sitúa ao espectador en espazos inhóspitos, deshabitados e nos que a única figura humana é a propia artista, que mostra as súas confusas experiencias vitais a través do obxectivo.
A exposición poderá visitarse de 08.00 a 20.00h de luns a venres; de 10.00 a 14.00 h e de 16.00 a 19.00 horas durante os sábados e os domingos en horario de 10.00 a 14.00 horas.