Pablo Alborán inclúe Pontevedra na súa nova xira: actuará na cidade o 11 de setembro
Por Alejandro Espiño
11 de setembro. ÿ a data escollida para o concerto que Pablo Alborán dará en Pontevedra. Así se desvelou este martes. Esta actuación forma parte da xira coa que o malagueño, un dos artistas que máis discos vendeu en España nos últimos anos, regresa aos escenarios.
A partir do próximo mes de febreiro, Pablo Alborán presentará o seu último disco, titulado Terral, nunha xira que percorrerá un total de 20 países. En España será a partir de maio cando o público poida gozar en directo destas novas cancións.
O seu paso por Galicia está previsto para o verán. Actuará na Coruña o 11 de xullo e en Pontevedra o 11 de setembro. Neste caso, o concerto será na explanada do Recinto Feiral.
Terral é o terceiro álbum de estudo de Pablo Alborán, o cuarto da súa carreira, e un dos discos máis agardados da tempada. ÿ tamén un traballo que, segundo recoñece o propio cantante, ten a atmosfera e a frescura dun primeiro álbum.
Con só 25 anos de idade, ten un currículo envexable e é toda unha referencia da música pop actual. En España conseguiu 26 discos de platino (oito polo primeiro disco, outros oito polo acústico e dez polo álbum Tanto). Tamén conseguiu sete discos de platino en Portugal e a súa carreira comezou a ser descuberta do outro lado do Atlántico onde fará un esforzo especial de promoción nesta nova xira.
As entradas poñeranse á venda este mércores 10 de decembro en exclusiva en pabloalboran.es. Ao día seguinte estarán dispoñibles en Ticketmaster, El Corte Inglés, Mister Entradas e Marca Entradas.
Relacionadas:
-
Catro noites ao raso esperando a Pablo Alborán: "Ya estamos aquí, Pablo, vente, pásate a saludar"
Por Natalia Puga & Mónica Patxot |
-
Pablo Alborán, o "concerto do ano" en Pontevedra para o que se venderon xa 4.000 entradas
Por Alejandro Espiño |
-
Últimas entradas á venda para o concerto de Quique González no Principal
Por Redacción |
-
O Teatro Principal de Pontevedra, nova parada da xira "Carta Blanca" de Quique González
Por Alejandro Espiño |