Homenaxe no Lérez ao piragüista José Manuel Penas "Keni", falecido no río
Por Cristina Saiz & Redacción
A nai de José Manuel Penas Balchada, máis coñecido como "Keni", deixaba un ramo de flores nas proximidades da ponte do Burgo na mañá deste domingo 11 de decembro para lembrar a figura do deportista que o 28 de outubro perdía a vida cando practicaba piragüismo polo río Lérez.
A este acto acudían, ademais de familiares como a súa nai ou a súa irmá Ana Penas, coñecida piragüista olímpica, outros deportistas e amigos do falecido. A homenaxe consistiu en realizar un percorrido polo Lérez, os viandantes polo paseo de beiramar e os piragüistas realizando un tramo da desembocadura do Lérez.
José Manuel Penas "Keni", de 49 anos de idade e integrante do Club Naval, perdeu a vida cando a súa embarcación envorcou accidentalmente no Lérez mentres adestraba.
Durante varios días diferentes equipos de rescate tentaron localizar o corpo, que finalmente aparecía o 1 de novembro, cando un veciño que camiñaba polo paseo da estrada entre Pontevedra e Marín, á altura de Mollavao, deu a alarma.
Relacionadas:
-
O vicepresidente da Xunta felicita en Verducido ao piragüismo galego polas súas 106 medallas internacionais
Por Redacción |
-
Localizan o corpo do piragüista desaparecido no Lérez
Por Alejandro Espiño & Natalia Puga | Creada e actualizada
-
O Lérez, un río seguro cun punto negro na Ponte do Burgo
Por Manu Otero |
-
Inmersións a 6,6 metros e percorridos circulares para rastrexar os fondos do Lérez
Por Natalia Puga & Mónica Patxot |
-
Cuarto día de busca infrutuosa do piragüista desaparecido no Lérez, lastrada pola chuvia e a turbidez do río
Por Alejandro Espiño & Mónica Patxot & Natalia Puga | Creada e actualizada
-
Buscan un piragüista desaparecido tras envorcar a súa embarcación no río Lérez
Por Oskar Viéitez & Mónica Patxot | Creada e actualizada