A homenaxe da Vuelta a España ás vítimas do accidente de tren de Santiago resultou un éxito de participación nas súas dúas versións.
A marcha cicloturista 'La Etapa de La Vuelta', rebautizada como 'Pedaladas polo recordo', congregou a un bo números de afeccionados á bicileta no porto de Vilanova para percorrer os case 130 quilómetros da proba con final no Miradoiro de Lobeira.
Entre os asistentes encontrábanse ex-ciclistas profesionais como Pedro Delgado, Roberto Laiseka ou Iñigo Cuesta, que xunto co resto de participantes e as autoridades presentes gardaron un respectuoso minuto de silencio antes de dar saída á proba, ás 9:30 horas.
Unhas horas despois, tamén dende o porto de Vilanova, daba saída outra marcha popular de só 7 quilómetros para todos os públicos e coa mesma motivación.
Ambas as dúas marchas concluíron cunha gran comida popular á que asistiron gran parte dos participantes.