Marín celebra o 25 aniversario do primeiro desfile de entroido polas rúas da vila nun nutrido programa festivo que se desenvolverá desde o 13 de febreiro ao 7 de marzo.
O venres 13 ás 20.00 horas, o club de opinión Portocelo organiza unha charla coloquio sobre "Personaxes do Entroido de Marín non século XX".
O sábado 14, ás 16.30 horas, terá o día do desfile infantil, e ao día seguinte, o domingo 15, a partir das 17.00 horas, será a quenda do desfile dos adultos.
No domingo, a xornada festiva comezará ás 10.30 horas cunha ciclomarcha polas praias que rematará a tempo para asistir ao pregón, previsto para as 13.15 horas.
Para o luns 16 de febreiro, desde as 12.00 horas, a Asociación Amigos dos Rapaces na Lameiriña organiza a Festa do Merengue e pola tarde, a partir das 16.45 comezará neste barrio unha festa infantil, con verbena incluída.
O martes 17 de febreiro o Ateneo Santa Cecilia convoca o concurso de Filloas e Orellas, será a partir das seis da tarde.
O Enterro da Sardiña será o mércores 18, ás 18.30 horas no palco da música, acompañado de viño e pan "de millo", e o seu enterro ás oito da tarde, cun percorrido por Almuiña, Praza de España, Exército e Mariña, Rúa da Ponte e Rúa do Sol, ata chegar á praza do Reloxo, onde se lerá o pregón.
O domingo 22, na Alameda e desde as 12.00 horas, a asociación cultural Fentos e Froumas e Santomé de Piñeiro organizan xogos tradicionais.
E finalmente o sábado 28 o Museo Torres inaugurará unha exposición organizada pola agrupación Xornadas Reencontro coa Historia de Marín que tamén celebrará unha cea de confraternidade en homenaxe ás primeiras comparsas deste gran desfile que cumpre as súas vodas de prata.