O CEIP A Laxe sumouse aos moitos colexios e institutos que buscan, a través dos seus vídeos, animar a alumnos e familias nos duros momentos de confinamento que se están vivindo polo coronavirus.
"Ánimo familias, desexamos vervos", así comeza a peza audiovisual cargada de baile e optimismo na que piden a todo o alumnado que quede en casa porque "xuntos e xuntas sumamos, e agora máis que nunca, debemos estar preto da comunidade educativa", explican desde o centro.
Para iso, utilizaron a canción que se converteu nun himno en todo o mundo, o tema colaborativo no que participan un total de 16 artistas entre os que se atopan Sofía Ellar, Álvaro Soler, Carlos Sadness, Belly Basarte ou Roi Méndez, 'Quédate en tu casa'.