Conta atrás para a Semana Santa pontevedresa. Este venres, 28 de marzo, a Confraría do Espírito Santo organiza a súa vía crucis de coresma e o sábado 29 a Xunta Coordinadora comiezan os seus actos previos.
Este venres 28 a cita será ao finalizar a misa das 20.00 horas na basílica de Santa María. A Confraría do Espírito Santo continuará coa tradición instaurada desde 1957 de acompañar ao Señor nas estacións da santo vía crucis, en lembranza dos pasos de Jesús subindo ao Calvario.
As estacións da vía crucis percórrense cunha representación de fieis confrades ataviados con vestimenta procesional da Confraría, que acompañan á súa cruz guía procesional en cada unha das catorce estacións.
Neste caso, realizarase un vía crucis con textos da literatura do Século de Ouro español (Antonio Solís y Rivadeneira, Frei Diego Murillo, Lope de Veiga, etc.). Tamén está previsto o acompañamento musical.
Os actos previos da Semana Santa 2025 organizados pola Xunta Coordinadora empezan o sábado 29 ás 18:00 horas coa primeira xornada do certame de bandas.
Participarán as bandas de Nuestro Padre Jesús del Silencio e de Nuestra Señora del Amor Hermoso..
Ás 18:00 horas reuniranse na praza de España e, desde aí, farán un pasacalles que levará á banda de Nuestro Padre Jesús del Silencio até a Praza d Ferrería e á do Amor Hermoso até Curros Enríquez.
Nesas prazas, soarán algunhas das pezas que interpretan durante as procesións. Ao terminar regresarán á praza de España.
O domingo 30, ás 17:00 horas, a Banda de música de Pontevedra ofrecerá un concerto sinfónico de música procesional na igrexa de San Francisco.
O luns 31, ás 20:00 horas, no Teatro Principal, será o momento da lectura do Pregón da Semana Santa, que pronunciará Rosanna López Salgueiro, precedido da homenaxe a Celestino Peón Gómez, que presidiu a Xunta Coordinadora entre 1983 e 2024.
