Chegamos a unha nova entrega de "A cociña gourmet en conserva" cunha proposta de cociña de autor. Nunha anterior ocasión, Conservas Pescamar aceptaba o reto da cociñeira Marta García Justo, do Restaurante Meigas Fóra, para fusionar a salsa bastarda vermella coas sardinillas en aceite de oliva.
Tras o éxito desta colaboración, chega o momento de desvelar a fórmula da salsa verde. O segredo está no pemento e o toque lixeiramente amargo da súa coloración verde. Un sabor que se complementa coa forza da paprica, unha especia que nos achega grandes propiedades, como a queima de calorías, redución da presión arterial e do "colesterol malo". Ademais, ao levar este prato como ingrediente base a ventresca de bonito do norte en aceite de oliva gourmet Pescamar, os beneficios multiplícanse, grazas ás súas proteínas de alto valor biolóxico e ácidos graxos, ideais para reducir os riscos de enfermidades cardiovasculares.
A acollida desta proposta culinaria foi tan grande, que Meigas Fóra xa inclúe esta deliciosa "ventresca verde" na súa oferta de tapas. Se queren degustala, pódense achegar polas instalacións de Meigas Fóra xunto á Praza da Ferrería, con dobre entrada polas rúas San Román e Figueroa.
Para preparar unha deliciosa bastarda verde con ventresca de bonito do norte gourmet Pescamar necesitamos os seguintes ingredientes:
- 1 lata de ventresca de bonito do norte en aceite de oliva gourmet Pescamar
- Vinagre de mazá
- Paprica
- Pementa negra
- Comiño
- Pemento verde
- Aceite de oliva virxe extra
- Sal
- Azucre
Elaboración:
Refogamos o pemento verde en aceite de oliva virxe extra, engadimos as especias e o sal.
A continuación, incorporamos o vinagre de mazá, deixamos reducir e engadimos un pouco de azucre.
Cociñamos todo o conxunto ata acadar a potencia de sabor desexada e trituramos a mestura.
Finalmente, volvemos cociñar a salsa, para evitar que fermente.
Colocamos nun prato rectangular as lascas de ventresca de bonito do norte en aceite de oliva gourmet Pescamar. Podemos manchar o fondo do prato coa salsa e reservar o resto nunha cunca, que se acompañará, na súa presentación, duns dadiños de pan torrado.
En dúas semanas, regresamos cunha nova proposta culinaria de "A cociña gourmet en conserva" e os produtos do mar de primeira calidade de Conservas Pescamar.