Despois do gran éxito acadado na primeira edición, o Natur Galiza Club, coa colaboración da Concellería de Deportes de Poio, volve impulsar a Senda Espiritual e da Costa cunha andaina que tivo lugar este domingo, a pesar do mal tempo.
Unhas 260 personas tomaron saída ás 10.00 horas dende Casa Pepe, un dos seus principais colaboradores.
Nesta ocasión houbo un cambio significativo no trazado para facelo menos esixente e máis accesible, pero igual de atractivo. Así percorreron 10 quilómetros cun nivel de dificultade medio-baixa e que incluíu o paso por diferentes puntos da Variante Espiritual do Camiño Portugués e da fachada costeira das parroquias de San Xoán e San Salvador.
Tras partir de Casa Pepe, os participantes visitaron emprazamentos como o Mosteiro ou a Casa-Museo de Colón, ademais de tomar a senda da Ostreira e cruzar Lourido, entre outros lugares.