A edición número 49 da Festa do Marisco do Grove comeza o vindeiro venres 5 de outubro, pero para ir abrindo o apetito o domingo 30 de setembro terá lugar a tradicional carreira popular.
Desde a organización da Festa advertiron que este ano o evento gastronómico preséntase como unha especie de homenaxe e recoñecemento a todos os deportistas españois.
Proba diso é a elección do pregoeiro: o presidente do Comité Olímpico Español, Alejandro Branco. El encargárase de abrir o telón en O Corgo o venres día 5, xornada adicada a Portugal, polo que ao mediodía haberá unha recepción ás autoridades lusas. Unha vez abertos os postos de venda de produtos, e xa entrada a noite está programada unha gala musical, a cargo de Gisela, A Década Prodixiosa e Chenoa.
Curiosamente o alcalde, Miguel Anxo Pérez García, móstrase moi confiado por ter pechada a programación deste ano polo que xa está pensando en promocionar ⿿desde xa a edición do ano que vén, ⿿será o 50 aniversario da Festa e ten que ser unha ocasión moi especial, comentou.
O sábado, 6 de outubro, abrirase a exposición "Embarcacións tradicionais e oficios marineros". O día adícase a Extremadura, Comunidade que ofrecerá degustacións dos seus produtos no recinto da festa, ata que ás 22 horas o recinto énchase coa música en concerto dos grupos The 60´s show Band e Black Stones.
O día grande é o domingo, 7 de outubro, cando se programa unha xornada centrada no rodaballo. Para os nenos haberá un Desfile de Mariscos do grupo de teatro Enxebre, e actuará a escola de baile de Cantodorxo.
O programa complétase ata o día 15 de outubro con actividades de todo tipo como concurso de camisetas, o Foro de Recursos Mariños e Acuicultura das Rías Galegas, o Premio Nacional de Gastronomía Lola Torres, as xornadas gastronómicas, a feira de oportunidades "Grovestock", a entrega dos Centolos de Ouro 2012, e ata unha festa que rememorará os anos setenta que leva por título "A Duendeneta". Sen esquecernos da Festa do Mexillón Amegrove e a Noite Meiga coa gran queimada gratuita.