Julio Sayáns terá unha rúa co seu nome en Campo Lameiro.
Así o aprobou por unanimidade o pleno da corporación municipal, decidindo desta forma homenaxear o que foi o seu alcalde e que faleceu o pasado mes de setembro.
En concreto o viario escollido é a coñecido como estrada a Codeseda, rúa que vai desde o colexio Pedro Antonio Cerviño até o Concello.
"Era un traxecto que facía de xeito habitual todos os días e representan os vértices da súa dedicación e vocación de servizo público en Campo Lameiro, por unha banda como director do colexio e como mestre de varias xeracións de cativos, e outra na súa faceta como alcalde do noso concello durante 36 anos", xustificou o actual rexedor, Carlos Costa.
"Tamén a percorría cando ía á súa querida Armonda, 3 ou 4 veces por semana", lembra o alcalde.
Cabe lembrar que Julio Sayáns foi alcalde de Campo Lameiro desde 1983 até o ano 2019, encadeando nove mandatos.
Costa defendeu ademais que baixo o seu mando o municipio experimentou unha evolución positiva en relación ao aumento de servizos e infraestruturas
No mesmo pleno municipal a corporación local aprobou conceder axudas á natalidade e ao empadroamento.
