Pontevedra acolle esta fin de semana unha nova edición da Feira Franca, unha das festividades máis exitosas do municipio e que supón a visita de miles de persoas durante as dúas xornadas: o venres, 6 e o sábado, 7 de setembro. De aí que a Policía Local, en colaboración co resto dos servizos de emerxencia e as concellerías de Seguridade Cidadá e Festas, coordinadas por Carme da Silva, elaboraran un amplo dispositivo especial de tráfico e seguridade.
Ao respecto do Plan de tráfico, a Policía Local lembra que se ben a Feira Franca subscríbese ao centro histórico, xenera un importante tránsito de persoas e vehículos en toda a cidade, especialmente, nas entradas e saídas. O dispositivo especial de tráfico pretende minimizar os inconvintes da celebración, coa axuda do resto de servizos, de tal xeito que o espazo público estea nas mellores condicións de uso para a cidadanía.
Ante a probable presenza masiva de persoas e vehículos, o Concello solicita a colaboración cidadá, pedindo aos veciños que reduzan o uso do vehículo particular ao mínimo imprescindible, e fai un chamamento á utilización dos aparcadoiros disuasorios de Mollabao, o Pavillón de Deportes e a explanada do Recinto Feiral.
O operativo de tráfico implica medidas coma a restrición de aparcamentos en determinadas rúas ou cortes de tráfico, polo que se solicita o máximo respecto á sinalización provisional nos espazos afectados. Como é coñecido, a Feira Franca celébrase nas rúas do Centro Histórico, Maestranza, avenida de Montero Ríos, Michelena, Benito Corbal (tramo peonil), Arcebispo Malvar, Peregrina (tramo peonil) e contorna da praza de touros.
A montaxe das infraestruturas nas prazas e rúas da zona monumental poderase realizar o venres 6 de setembro, dende as 15.00 ata as 19.00 horas. E o sábado 7 de setembro, dende as 06.00 ata as 10.00 horas.
As restriccións de tráfico no ámbito da Feira Franca son as seguintes:
- Prohíbese a circulación de vehículos nas rúas da zona monumental a partir do sábado día 7, ás 10 horas.
- Arcebispo Malvar
- Pardo Bazán
- Rúa Alameda, desvio por Echegaray
- Galera
- Benito Corbal (tramo peonil)
- Rúa Peregrina, (tramo peonil)
- Rúa Michelena
- Dende as 14 horas do día 7 de setembro pecharase á circulación de vehículos as rúas do entorno da praza de touros, por mor da celebración dun espectáculo medieval no interior da mesma. O peche afectará ás rúas Víctor S. Arnesto, Nostramo Lourido, Pedro Mariño de Lobeira, Celestino Poza Pastrana e rúa Canaval.
- No traslado do viño realizarase un corte puntual na intersección das rúas Santa Clara con Cobian Roffinac e na intersección das rúas Santa Clara con Perfecto Feijoo.
As restriccións de estacionamento serán as seguintes:
- Dende as 22 horas do venres día 6 de setembro, prohíbese estacionar na rúa Santa Clara no tramo entre o Convento ata a rúa Cobian Roffignac, co gallo do transporte do viño.
- Entorno da Praza de Touros, prohíbese o estacionar dende o venres día 6 ás 07.00 horas na rúa Nostramo Lourido. En Víctor Saez Armesto, rúa Canaval e o perímetro da praza de touros a partir das 08.00 horas do sábado 7.
- A partir das 22:00 horas do venres 6, rúa Maestranza e Paseo Cervantes (reservado motos)
- Rúa Aduana dende as 15 horas do venres 6
- Dende as 22:00 horas do venres 6, Avenida Bos Aires (reserva parada de taxis) dende Alfredo García Hermida ata rotonda Ponte Santiago.
O Plan de seguridade estará activo dende as 11.00 horas do sábado, ata as 03:00 horas do domingo 8 de setembro. A partir das doce da mañá, un equipo conxunto de Policía Local e Bombeiros inspeccionará os postos co fin de que se adaptan as normas establecidas pola organización.
- Parrillas, só carbón
- Extintores, preto das parrillas
- Poderánse instalar só os autorizados.
- Espazo ocupación autorizado, especialmente nas vías de penetración e evacuación.
Durante a celebración da Feira Franca existirán os seguintes puntos de emerxencia:
- Posto avanzado médico no Teatro Principal
- Tres ambulancias medicalizadas:
- Valentín García Escudero
- Bastida/ Michelena.
- Alameda.
- Protección Civil:
- Praza de Ourense.
- Bombeiros:
- Praza de España
- Valentín García Escudero.
- En distintos lugares do recinto onde se celebra a Feira Franca e estratexicamente colocados haberá unha batería de extintores.
Co fin de garantir ao máximo as prestacións dos servizos de urxencia establecese como vías principais de evacuación e penetracións as seguintes rúas: Real ⿿ Sarmiento ⿿ Isabel II ⿿ Curros Enriquez ⿿ F. Villaverde ⿿ Michelena.