Chegamos a unha nova entrega de "A cociña gourmet en conserva" con fusión de estilos. Á calidade de Conservas PESCAMAR únese a proposta do chef Francesco Iannelli, do Resturante Il Piccolo.
As Conservas PESCAMAR permiten múltiples opcións, desde o consumo directamente da lata ata as receitas máis elaboradas.
Nesta ocasión, cociña mediterránea co selo dun enclave paradisíaco na costa napolitana: a illa de Procida. Precisamente, desde o seu local da céntrica rúa Virxe do Camiño, 16, o Restaurante Il Piccolo acumula recoñecementos polo esforzo do seu chef e xerente, Francesco Iannelli, por manter a tradición da mellor cociña italiana.
Para elaborar uns deliciosos "Spaguetti alla Procida" con polbo en aceite vexetal PESCAMAR, o chef Iannelli proponnos os seguintes ingredientes:
- 3 latas de polbo en aceite vexetal Pescamar
- 300 gramos de espaguetes
- 3 dentes de allo
- un anaco de paprica
- 2 tomates
- sal e pementa
- aceite de oliva virxe extra ao gusto
Preparación:
Nunha tarteira ou tixola botamos o aceite e preparamos un sofrito cos dentes de allo esmagados e a paprica.
Abrimos as latas de polbo e reservamos o contido. Tomamos o mollo e engadímolo á auga para cocer os espaguetes cun pouco de sal.
Mentres se fai a pasta, incorporamos o polbo en aceite vexetal Pescamar na tarteira do sofrito, os dous tomates frescos e un pouco de pementa.
Cando os espaguetes estean "ao dente" (máximo 8 minutos de cocción), engadímolos á tarteira e removemos suavemente. Xa só queda levar á mesa para compartir este prato lixeiro e cheo de sabor.
Nuns días, a calidade dos produtos do mar de Conservas PESCAMAR ofrecerannos outra apetitosa receita da serie "A cociña gourmet en conserva".