Os Reis Magos non pasearán sós polas rúas de Vilagarcía.
Uns sesenta nenos de entre 7 e 15 anos formarán parte da comitiva, que sairá como é habitual o próximo 5 de xaneiro.
Os 24 nenos de 7 e 9 anos que foron seleccionados para participar na cabalgata irán nas carrozas dos Reis, mentres que os 36 que teñen entre 10 e 15 anos subirán nas carrozas de agasallos.
As admisións realizáronse por rigoroso orde de anotación.
Os participantes deberán ir ataviados con vestimenta de cor negro (pantalón tipo malla, xersei e zapatos ou botíns) e o Concello prestará o resto da vestimenta, composto por casaca e tocado.
A cabalgata sairá o día 5, ás 19:00 horas, dende a praza da II República.
Continuará pola Avenida da Mariña, Praza do Dr. Carús, Alexandre Bóveda, Alejandro Cerecedo, Dr. Tourón, Praza de España, Edelmiro Trillo, Padre Feijóo e Arapiles, para concluír na Praza de Ravella.
Alí, Melchor, Gaspar e Baltasar saudarán aos vilagarciáns e logo recibirán os nenos e nenas no salón nobre da casa consistorial.