O presidente local do Partido Popular de Pontevedra, Rafael Domínguez, valorou con satisfacción os resultados electorais deste domingo porque "hemos revertido la situación, hemos cambiado la tendencia", algo que considera "lo más difícil".
"No estamos contentos al cien por cien porque nuestra intención era ser la primera fuerza política", admitiu.
Rafa Domínguez agradeceu o "magnífico resultado" obtido este 10 de novembro que provoca que este luns "estemos muy contentos" porque, na cidade de Pontevedra,"podemos decir que somos el partido que más ha subido tanto a nivel de número de votos como a nivel porcentual". Así, o PP pasou do 23,43% logrado nos comicios de abril ao 28,61 deste domingo, o que supón un crecemento do 5,18%.
En votos, subiu de 11.817 a 13.096 sufraxios. E en mesas electorais o PP subiu en 90 das 106 mesas que hai na cidade.
Para Rafa Domínguez resulta "especialmente importante" que o PP fose a forza máis votada en 38 mesas electorais, o triplo con respecto ás anteriores eleccións xerais. E destacou o "buen resultado" dos populares "en parroquias que pueden un poco conflictivas" como Lourizán ou Campañó.
O presidente local do PP tamén quixo valorar que na súa formación "hemos reducido significativamente la diferencia que había con el PSOE", concretamente a vantaxe dos socialistas respecto a os populares foi de 1.344 votos.
Rafa Domínguez entende que son "votos inútiles" as máis de 6.000 papeletas que foron para formacións como VOX ou Cidadáns "y que no han servido para otra cosa más que para ayudar al PSOE".
Finalmente, o presidente do PP pontevedrés cualificou ao resultado do Bloque Nacionalista Galego como "un nuevo fracaso del BNG de Lores" porque "se implicó al máximo porque su candidata en la provincia de Pontevedra tuviese un escaño en Madrid" sen conseguilo.