Chega unha nova entrega da serie "A cociña gourmet en conserva", da man de Conservas Pescamar. Nesta ocasión, imos preparar unha receita que nos trae os aromas da cociña italiana e coa que imos aproveitar todos os beneficios dun dos moluscos máis importantes das nosas Rías: o mexillón.
Os Mexillóns Pescamar son un produto natural altamente nutritivo, grazas á súa achega en ferro, fósforo, vitamina B12 e omega 3. O seu baixo contido en graxas e alta porcentaxe de proteínas, convértenos nunha perfecta alternativa ás carnes vermellas en dietas saudables e de control de peso.
Esta receita ofrécenola o FROM, o organismo do Ministerio de Agricultura e Pesca encargado de regular o mercado dos produtos do mar. A través da súa páxina web, lémbranos que "todas as elaboracións de peixe enlatado son moi aconsellables desde o punto de vista nutritivo" e explica todas as peculiaridades deste delicioso prato de arroz. "O risoto (variación de riso, arroz en italiano) é a maneira máis habitual de cociñar o arroz en Italia: o resultado é unha textura melosa, cremosa, pero non caldosa, branda no exterior pero firme no seu interior. Para preparar adecuadamente un risoto italiano, o arroz é preferible que sexa redondo e de gran curto, nunca de gran longo e moito menos un arroz evaporado. É ideal a variedade xapónica."
Para preparar un saboroso Risoto con mexillóns gourmet Pescamar necesitamos os seguintes ingredientes:
- 2 latas demexillóns das Rías en escabeche con aceite de oliva gourmet Pescamar
- 50 g. de manteiga
- 1 culleradiña de aceite de oliva
- 1 cebola finamente picada
- 1 dente de allo picado
- 1 culleradiña de follas de tomiño fresco
- 175 g. de arroz
- 600 ml. de caldo de peixe
- 150 ml. de viño espumoso
- 1 culleradiña de grans de pementa verde ou rosa en salmoira, escorridos e picados
- 1 cullerada de perexil fresco picado
Elaboración:
Nunha tixola grande, quentamos a metade da manteiga e o aceite, agregamos as cebolas picadas e refogamos ata que se abranden.
Incorporamos o perexil, o tomiño e o arroz e removemos ata que estea todo ben mesturado.
Vertemos o caldo quente aos poucos na tixola mesturándoo ben co arroz e deixándoo cocer ata que se absorba todo o caldo.
Picamos os mexillóns gourmet Pescamar e engadímolos ao arroz, así como o viño. Revolvemos suavemente e deixamos que coza ata que se absorba todo o viño. Agregamos os grans de pementa co resto da manteiga e mesturamos todo moi ben.
Deixamos repousar durante uns minutos e servimos inmediatamente.
En quince días, os produtos do mar serán de novo protagonistas dunha nova receita de "A cociña gourmet en conserva" de Conservas Pescamar.