Un ano leva a plataforma Salvemos A Fracha loitando co obxectivo de parar a construción da Autovía A-57.
Con motivo dese aniversario o colectivo organizou durante a tarde do venres un acto reivindicativo na Praza de Ourense, á que levou a primavera da Fracha.
Cunha repartición de flores simbolizaron o colorido da segunda estación do ano para que os pontevedreses "coñezan a riqueza de cores, aromas e variedade que dá o rural" e que entenden, está seriamente ameazado pola construción desta infraestrutura.
Esta acción forma parte da campaña informativa que Salvemos A Fracha deseñou para explicar á cidadanía o impacto que terá a A-57.
Mentres tanto a plataforma se matiene á espera de que a ministra de Fomento, Ana Pastor, e o alcalde de Pontevedra, Miguel Anxo Fernández Lores, acepten a petición de reunirse cos afectados.