O Concello de Sanxenxo iniciou a semana pasada a renovación de tres tramos do valado (295 metros lineais) de acceso á Ermida da Lanzada.
Esta actuación execútase con cargo a unha axuda europea de case 30.000 euros que tamén inclúe a mellora de acceso á praia Espiñeira.
O acceso á ermida da Lanzada é un espazo moi transitado por visitantes que se achegan tanto a observar a natureza como a capela existente.
Existe unha chaira de grandes dimensións que funciona como acceso e nas beiras atópanse cantiis e zonas con vexetación ben conservada.
Estas zonas están delimitadas mediante varandas que actualmente se atopan en moi mal estado de conservación.
Co obxecto de delimitar o espazo e evitar que os usuarios da zona traspasen os límites e xeren erosión sobre a vexetación, colocarase un novo valado.