Os Reis Magos xa están en Pontevedra

Melchor, Gaspar e Baltasar chegaron este domingo ao once da mañá puntuais á súa cita cos nenos da capital pontevedresa, que lles recibiron con gran ilusión e moitos nervios.

A pesar do temporal de vento e choiva, centos de persoas fixeron cola para poder ver aos Magos de Oriente.

A fila ía desde o Concello, cruzando a Praza de España até a rúa Riestra, pasadas as ruínas de Santo Domingo.

Todos agardaban impacientes co paraugas na man.

Unha das novidades deste ano foi o traslado da recepción oficial ás súas Maxestades na Casa Consistorial, sen dúbida un espazo moito máis cómodo e accesible que o Pazo de Mugartegui.

O alcalde de Pontevedra, Miguel Anxo Fernández Lores, recibiu aos Reis na reformada sede municipal da Praza de España.

Melchor, Gaspar e Baltasar saudaron desde o balcón do nobre edificio e logo ocuparon os tronos instalados no vestíbulo da Casa Consistorial, que se engalanou como nas mellores ocasións.

Non só se dispuxo a alfombra vermella, tamén a verde e o azul. Todo un detalle á altura dos personaxes que nos visitan.