Catro días despois de perder o Goberno pola moción de censura impulsada por Pedro Sánchez, Mariano Rajoy anunciou que pon "punto y final" ao seu case corenta anos de traxectoria política. "Es lo mejor para mí y para el PP. Y creo que también para España", dixo.
Coa súa saída, segundo o propio Rajoy, o Partido Popular poderá "abrir una nueva etapa" e facelo "con más ilusión que nunca". Así, os populares convocarán de maneira "pronta" un congreso extraordinario do que sairá a persoa que sucederá ao expresidente.
Tras recibir a ovación dos asistentes á rolda de prensa, Mariano Rajoy recoñeceu que os últimos días "no fueron fáciles para mí" e non ocultou que lle gustaría marchar noutras circunstancias porque "no me imagino mi vida fuera del PP".
"Gracias por todos estos años. Pesa más la alegría de haberlos compartido que el inevitable sinsabor de abandonar la tarea a mitad de la cosecha", sinalou tras destacar o "privilegio" de liderar o PP durante 14 anos, os "mejores" da súa vida política.
Rajoy, iso si, non aclarou se manterá o seu escano como deputado no Congreso. Sexa como sexa, engadiu, "no hay motivo para el desánimo" porque no PP "tenemos dirigentes preparados", unha militancia "como ninguna otra" e unha xestión "que todo el mundo valora", polo que se mostrou convencido de que o partido recuperará o Goberno "cuanto antes".
Mentres tanto, explicou, os populares deben "defender nuestra verdad, nuestra idea de país y nuestro proyecto", fronte a un executivo socialista que "anuncian su demolición" e que lidera un Pedro Sánchez no que aprecia unha "ambición atropellada".
"Es un precedente grave en la historia de la democracia española, gobierna alguien que no ha ganado las elecciones, que ha perdido y no por distancia corta", sinalou o ex presidente, que entende que será un "estigma" que acompañará ao Goberno e ao PSOE.
O dirixente popular reiterou a súa mensaxe de que o PP "actuó contra la corrupción y asumió responsabilidades" e lamentou que se produciron "manipulaciones y mentiras" na sentenza de Gürtel "contra el PP y contra mí".
Rajoy concluíu asegurando que "he defendido mi honorabilidad y la del PP" e que, durante toda a súa estrada política, "he intentado ser justo, he asumido mis errores y los que no eran míos".