Que fai que mozas de 13, 14 e 16 anos coñezan e valoren a mulleres como Ella Fitzgerald ou Tina Turner?, a cultura musical, é evidente. Cultura que Uxía, Paula e Ana foron absorvendo dos adultos que tiñan ao seu redor. Elas son o cincuenta por certo de Mushu, a banda de rock feminina máis jóven do panorama nacional, con denominación de orixe Pontevedra. A outra metade complétana Sol, Andrea e Sabela. Son as protagonistas desta Playlist.
E nestas xéneses musicais da cidade, unha vez máis o nome de Gonzalo Maceira. As clases de coro do colexio Barcelos concitaron a varias dos seus integrantes e as que faltaban chegaron co Rocklab. Uxía Suárez Loresfai patria de Aguiño, pero o seu espazo vital habitual xa está en Pontevedra. Paula Ordóñez Castro leva mestura andaluza e galega e Ana, Anita Gamero Lorenzo, a benxamina, é a pontevedresa coa que lembramos os seus inicios escolares en pleno centro histórico, no colexio San José.
Falan de acordes, ritmos, instrumentos, estilos, grupos, solistas, "montaxe no escenario" como quen fala de preparar un colacao. Son conscientes desta experiencia que viven sen perder a perspectiva. Mushu é presente e o futuro dirá se encaixa en cada unha das súas ecuacións persoais. Elas son presente e é un presente consciente da reivindicación do espazo feminino e do rexeitamento de actitudes e condutas machistas.
As pulseiras nas súas bonecas delatan un recente evento importante para elas, a actuación no Atlantic Fest. "Moito flow" o feito de subir a un escenario onde unha delas xa vira a algún dos seus grupos favoritos. E ollo! viñeron a PontevedraViva Radio con orde incluída: se vas a un concerto víveo en primeira persoa, non a través da pantalla do teu móbil.