A Praza de España de Pontevedra acollerá os días 17, 18 e 19 de setembro a segunda edición da feira sobre saúde e benestar Pontesán. Trátase dun evento que incluirá conferencias e obradoiros ademais dunha carpa na que se instalarán os postos de 34 asociacións de Pontevedra e a súa provincia relacionadas co ámbito sociosanitario.
Unha das principais novidades deste ano é o incremento do número de asociacións que participan no evento. "Non quedou ningunha fóra", declarou o tenente de alcalde, Tino Fernández, durante a presentación dun evento que ve, na súa segunda edición, como o número de colectivos participantes pasa dos 24 da edición do 2020 aos 34 deste ano. En cada posto, as asociacións ofrecerán información sobre os servizos que prestan a calquera persoa interesada.
Cada unha das xornadas estará dedicada a un tema concreto. O venres, as actividades versarán sobre a saúde mental e emocional, o sábado será a quenda dos hábitos e a alimentación saudables, mentres que o domingo estará centrado no exercicio físico. Durante cada unha destas xornadas haberá actos relacionados con estes temas como, por exemplo, un taller para aprender a xestionar a ansiedade o venres, un showcooking o sábado ou unha andaina o domingo.
De forma paralela e a partir deste mércores, a Universidade de Vigo organizará na Casa dás Campás unha serie de charlas, conferencias e coloquios relacionados co coidado da saúde e o benestar.
"Pontesán nace co obxectivo de visibilizar a estas asociacións sen ánimo de lucro", explicou Fernández a razón de ser deste congreso no que os colectivos que "nos escoitan, nos animan e fan que non non sintamos sos" son los protagonistas. Na presentación estivo presente o deputado provincial, Carlos López Font, quen confirmou que a Deputación terá a súa propia caseta na carpa.