A Xerencia de Xestión Integrada de Pontevedra e O Salnés do Sergas remitiu unha carta ao Concello de Cotobade, segundo sinala o goberno local, na que confirma que o Punto de Atención Continuada (PAC) da Parda, en Pontevedra seguirá sendo centro de referencia no caso de que se peche a fusión.
Os servizos de urxencias tamén se manterán, segundo a consellería de Sanidade, igual que ata agora e o Centro Hospitalario de Pontevedra de Montecelo seguirá a ser de referencia para a poboación de Cotobade.
O goberno local móstrase satisfeito porque os veciños de Cotobade continúen tendo todos os seus servizos sanitarios no propio municipio ou en Pontevedra, mentres que os de Cerdedo manteranse adscritos á súa PAC, que atende á comarca de Terra de Montes.
A intención de Jorge Cubela, alcalde de Cotobade, é que os veciños que queiran, por proximidade ou por interese persoal, poidan optar polas dúas posibilidades, Pontevedra e Cerdedo, para que así se amplíe a oferta de servizos.
Cubela asegura que se van a potenciar os servizos públicos xa que as consellerías confirman que as atencións que reciben os cotobadeses van a manterse nos seus centros de referencia.