O Concello de Pontevedra abriu este venres a media tarde, a ponte do Burgo para o paso de peóns, tres semanas antes do previsto.
O concelleiro de Obras, Demetrio Gómez, anunciou a apertura cumprindo co anuncio que fixo esta semana de que se todo ía ben, e non se producía ningunha incidencia nas obras, adiantaríase a súa apertura.
É por iso, que unha vez terminouse coa colocación das laxas de pedra de todo o taboleiro os peóns puideron estrear a ponte a través dun paso estreito e protexido por valos despois de tres meses pechado.
A pesar diso, os operarios aínda están a realizar traballos de remodelación nas dúas cabeceiras polo que se espera que as obras de rehabilitación complétense o próximo mes de febreiro.
Esta reforma está cofinanciada cos Fondos Europeos de Desenvolvemento Rexional (FEDER) a través da Estratexia de Desenvolvemento Urbano Sostible e Integral (EDUSI) Máis modelo, Pontevedra.