As maxistradas da Sección Cuarta de la Audiencia de Pontevedra reuníronse este martes para deliberar sobre os recursos de apelación presentados contra o arquivo do caso da desaparición de Sonia Iglesias Eirín.
Segundo informou a propia presidenta do tribunal, a maxistrada viguesa María Nélida Cid Guede, "antes deste venres" comunicarase a decisión que adopten, respecto ao peche xudicial da causa así como a resposta ás apelacións da acusación particular (que exercen os pais e a irmá de Sonia Iglesias) e da Fiscalía contra o auto do xulgado de instrución número 3 no que decreta o arquivo provisional do caso e levanta a imputación do compañeiro sentimental da desaparecida, Julio Araújo.
Nélida Cid explicou que o motivo desta urxencia en resolver sobre este asunto é "o traslado do relator a Vigo". Aínda que o BOE non publicou oficialmente ese traslado dáse por feito que o relator, o maxistrado José Ramón Sánchez Herrero, deixará a súa praza na Sección Cuarta de la Audiencia de Pontevedra que será ocupada pola xuíza titular do Penal 2 dos desta capital, María Jesús Hernández Martín, polo que, por primeira vez unha Sección da Audiencia estará formada na súa totalidade por mulleres, xa que xunto ás dúas maxistradas xa citadas o outro titular desta Sección é, Cristina Navares.
TEST DA VERDADE
A deliberación do tribunal deberá atender á petición formulada polo Fiscal Xefe Juan Carlos Aladro, para que se pregunte á parella de Sonia Iglesias se estaría disposto a ser sometido á proba neurofisiológica P-300, máis coñecida como "test da verdade".
O xulgado especializado en violencia de xénero descartou esta pretensión, por tratarse dunha proba que só pódese practicar co consentimento expreso do investigado, algo que nin tan sequera se consultara coa defensa de Araújo.
Por outra parte, a acusación particular formula a apertura de xuízo oral ao entender que existen probas indiciarias abondo para xulgar a Julio Araújo. Unha apreciación que contradí o auto do xulgado de instrución número 3 que sinalaba que sinalaba que o "contraditorio e débil material probatorio" carece de forza abondo nun xuízo e se pode "vaticinar" cun grao moi alto de seguridade, "o fracaso dunha pretensión penal".