Día tranquilo o deste martes na evolución da pandemia na área sanitaria de Pontevedra. Nas últimas 24 horas non se rexistraron cambios nin o número de casos activos, que se mantén en 31, nin no de hospitalizados; que seguen sendo dous.
Os dous pacientes que están a recibir asistencia hospitalaria están ingresados en Montecelo. Un deles está en planta e o outro, en estado máis grave, na unidade de coidados críticos (UCI). Non hai ningún nin no Hospital do Salnés nin no QuirónSalud Miguel Domínguez.
Desde o inicio da pandemia 21.209 pacientes da área sanitaria superaron a covid-19, seis nas últimas 24 horas, e rexistráronse 205 falecementos asociados ao virus.
Os novos contaxios foron seis, que saíron das 213 probas PCR que se realizaron onte, que fan un total de 305.092 na área sanitaria. A estas probas súmanse as 144.134 probas de antíxenos e outras 109.116 probas de detección realizadas ata a data.
INCIDENCIA EN GALICIA
A nivel autonómico, o número de casos activos de coronavirus en Galicia é de 495, 13 menos que o día anterior. Deles, 152 son da área da Coruña, 66 da de Lugo, 72 da de Ourense, 31 da de Pontevedra, 97 da de Vigo, 68 da de Santiago e 9 da de Ferrol.
Do total de pacientes positivos, 9 están en UCI, 36 en unidades de hospitalización e 450 no domicilio. Por agora, en Galicia hai un total de 179.529 persoas curadas, rexistrándose 2.643 falecementos.
Desde o inicio da pandemia realizáronse en Galicia 2.863.171 probas PCR, 2.574 nas últimas 24 horas, que xunto co resto de probas diagnósticas permitiron detectar 31 novos infectados.