Como proxecto de fin de curso, un grupo de estudantes do certificado de profesionalidade en Xestión de Comunicación e Marketing, impartido pola entidade Aspasia como parte do programa de accións formativas para desempregados da Xunta de Galicia, están a organizar un evento con fins benéficos baixo a denominación "SolMarket, Tardeo solidario".
Esta actividade levará a cabo o próximo 28 de xuño ás 18:00 horas no primeiro andar do Mercado de Pontevedra e contará cunha variedade de propostas que buscan fomentar a solidariedade e a participación comunitaria.
Este evento é especialmente significativo para os estudantes organizadores, quen se atopa en situación de desemprego. A planificación e execución de "SolMarket" bríndalles unha valiosa oportunidade para desenvolver as súas habilidades e competencias profesionais nunha contorna real, ademais de gañar visibilidade nun mercado laboral altamente competitivo.
Entre as principais atraccións do evento inclúese un mercadiño de artigos de segunda man, postos de promoción de asociacións con fins sociais como: Os Palleiros, Asanog, Cruz Vermella Pontevedra e Adicam.
Tamén haberá postos de venda e promoción de emprendedores da zona.
Ademais haberá unha actuación musical en directo e un "Bingo musical".
A recadación obtida no evento será destinada a unha das asociacións participantes.