O pleno do Concello de Sanxenxo aprobou na sesión deste luns a actualización das tarifas de piscina, escolas municipais, expedición de documentos e ICIO.
Así, a entrada piscina+ ximnasio pasa de 4 a 5 euros (3 euros para menores de 16 e maiores de 65 anos). O socio familiar pasa de 42 a 46,80 euros e o socio individual pasa de 32 a 34 euros. O bono de 15 baños pasa de 33 a 45 euros.
En canto á Escola de música, a matrícula anual pasa de 20 a 25 euros, a iniciación musical mantén o prezo de 20 euros, Música e movemento pasa de 20 a 25 euros e Linguaxe musical + instrumento de 40 a 50 euros.
En canto a outras actividades: a Escola de arte de 9 a 12 euros, o Obradoiro de 5 días de 15 a 20 euros, o Obradoiro de 2 semanas de 30 a 40 euros e as Ludotecas de 8 a 12 euros.
O prezo da expedición de certificados e outros documentos baixa de 30 a 5 euros e no caso dos empadroamentos, que agora custan 4 euros, pasasen a ser gratis. O goberno local ha destacado que a pesar da actualización dos prezos as tarifas seguirán sendo inferiores aos concellos que dispoñen de piscina climatizada ou actividades municipais.
Ademais, engade o Executivo local que os veciños de Sanxenxo pagarán por estes servizos un 25% menos que as persoas que non estean empadroadas. Esta boficación é posible grazas ao paso de taxa a prezo público.
SANXENXO CONCILIA
O pleno tamén aprobou por unanimidade o novo plan Sanxenxo Concilia que se poñerá en marcha este verán para as familias. A portavoz de goberno, María Deza, defendeu que se trata dun programa "con prezos moi asequibles para os veciños que se benefician dun desconto do 25% fronte aos non empadronados".
A tarifa é de 45 euros a quincena e 90 euros o mes. Ademais, o programa contempla unha bonificación do 100% para as familias en situación de vulnerabilidade e familias de acollida con nenos tutelados. Sanxenxo Concilia ofrece 45 prazas por quincena, por tanto 180 prazas en total, para nenos entre 3 e 12 anos e vaise a desenvolver no colexio A Florida, de 8 a 15 horas, con servizo de fiambrera.