O presidente da Deputación, Rafael Louzán, acompañado polo Conselleiro de Xustiza e Administracións Públicas, Alfonso Rueda, e o técnico responsable de Novas Tecnoloxías da entidade provincial, Amancio Varela, presentou esta mañá o novo Centro de Proceso de Datos (CPD) da Deputación de Pontevedra.
O CPD é lugar físico onde se aloxa toda a enorme infraestrutura do Plan eDepo; o centro neurálxico de todos os servizos que a Deputación ofrecerá a concellos e ós seus propios centros a través deste plan.
Se os servidores, equipos de comunicacións, cabinas de almacenamento, e demáis son o contido do Plan eDepo a CPD é o continente.
Esta infraestrutura está disposta no soto do novo edificio administrativo da Deputación, antiga sede de Educación en Pontevedra, gardado cama un tesouro.
Entre as melloras e puntos de vantaxe que implica o novo CDP o presidente provincial fixo especial fincapé en que "permítenos garantir a prestación de servizos ós cidadáns e, ademais, ten uns custes de mantemento inferiores os dos mini CPD´s que temos actualidade".
O técnico, Amancio Varela, engadiu que a nova instalación permite incrementar a seguridade, mellorar o aforro enerxético, cumprir a normativa de Protección de Datos actual e, ademais, é respectuosa co medio ambiente.
Para rematar, Louzán manifestou a importancia que ten a posta en marcha do novo CPD da Deputación xa que "é un paso vital de cara a implantación da auténtica administración electrónica". "A aprobación deste proxecto", engadiu, "ven a demostrar que a austeridade non é incompatible con ter mellores servizos nin con seguir investindo en infraestruturas produtivas".