Dous anos despois de que a pandemia obrigase a suspender o evento, este sábado 13 de agosto a Cea-Baile de Gala da Peregrina, que organiza o Liceo Casino, volveu encher de cor o Parque de Verán da Caeira.
A cita estival foi un punto de encontro para numerosos socios, familias e acompañantes, así como socios de Sociedades de Intercambio. Pendentes do reconto oficial, calcúlase que se superou a cifra de 6.000 asistentes, entre os que se atopaba o presidente da Xunta de Galicia, o pontevedrés Alfonso Rueda.
Nesta ocasión, 22 mozas realizaron a súa "posta de longo": Carmen Abeigón Moure, Carla Alonso Millán, Ana Aragunde Landín, Loreto Calvo Pardilla, Mencia Yue Casas Casas-Arruti, África Itziar Casas-Arruty Rivera, Carmen Castro Tejeiro, Carmen Chacón Landín, Mercedes Domínguez Pardilla, Mercedes Fernández-Arruti Domínguez, Haydée Fírvida Tesouro, Lola Gómez Seoane, Bárbara Cristina Guerrero Casas-Arruti, Cristina Habela Pedrosa, Carolina Hervés González, Ana López Abalo, María Martínez López, Isabel Mediavilla Pardilla, Rocío Názara Besada, Sofía Romero Estévez, Clara Simón Alonso e Sara Isabella Eiras Sanjorge.
As "debutantes" foron chamadas unha a unha para ocupar a pista de baile. Tras serrecibidas polo presidente do Liceo Casino, Jaime Olmedo, cumprían o ritual de "presentarse en sociedade" da man dos seus padriños: Juan Carlos Abeigón Vidal, Fernando Alonso González, Pablo Aragunde García, Víctor Muñoz Vázquez, Fernando Casas Dulanto, Hugo Balboa Casas, Pablo Castro Hereder, Francisco Javier Landín Martínez, Vicente Domínguez Munáiz, Manuel Ángel Fernández-Arruti Ferro, José Luis Fírvida Pérez, Raúl Gómez Villaverde, Bárbara Cristina Casas-Arruti de Seixas, Román Habela Gruart, Pedro Hervés Álvarez, Antonio Manuel López García, Francisco Javier Martínez Souto, Javier Calvo Pardilla, Ramón Francisco Názara Otero, Luis Romero de Francisco, José Simón Buela e Pelayo Eiras Adán.
A continuación, todos eles danzaron a ritmo de valls. Desta maneira, dábase apertura a unha festa-baile con diferentes estilos: na pista 1, o Dj con música Pop Funky tomou o relevo de Deep House, que amenizou a recepción dos asistentes; na pista 2, a Orquestra Chattanooga, dirixida polo mestre Patxi Urchegui, e o Dj Jamar Audio, con música pop; nas pistas 3 e 4, o Dj Alex Pita con pop español, estranxeiro e música actual; e na pista 5, o Dj Yago Rivas con Reggaeton Urbano, música Trap e actual disco.
Previamente, a cea foi o punto de encontro para un bo número de comensais. Servíronse máis de 500 ceas. Todo iso baixo a supervisión do chef Pepe Vieira, que conta cunha Estrela Michelín e dous Soles Guía Repsol. O menú para a ocasión constaba de: bogavante nun escabeche aromático de espárrago branco, tomate seco e trazo cortado de oliva negra; pescada de Celeiro, meunière de alcaparróns e ensalada de espinaca tenra nun aderezo de aceite de noces; peza de tenreira melosa, ragout de cogomelos silvestres con crema agre e follas acedas; cremoso de queixo fresco, crumble de améndoa, mentas e frambuesas; cafés e petit fours; e unha selección de viños Rioxa Crianza, Albariño Rías Baixas e Espumoso.
Ademais da presenza do presidente da Xunta de Galicia, o Liceo Casino informa da asistencia de numerosas autoridades, entre outras: Ana Pastor Julián, vicepresidenta segunda do Congreso dos Deputados; Luís Cebrián Carbonell, director xeral da Dirección Xeral de Infraestrutura; Luis Cortés Delgado, xeral xefe da BRILAT; Pedro Cardona Suanzes, comandante-director da Escola Naval Militar de Marín; Simón Venzal Contreras, coronel xefe da Comandancia da Garda Civil; Juan José Díaz Jiménez, comisario xefe provincial de Policía; Carlos Aguado Valladares, coronel xefe do Rexemento Isabel a Católica 29; Francisco Javier Menéndez Estébanez, presidente da Audiencia Provincial; Ignacio Landín Martínez, presidente da Confraría da Divina Peregrina; e Antonio Coello Bufill, exsubdelegado do Goberno.