A última das persoas que se encontraba convalecente no Hospital Montecelo derivada do accidente ferroviario de Angrois foi dada de alta na mañá deste martes 13 de agosto.
Desta forma, os trece feridos que foran trasladados a Pontevedra ao producirse o tráxico accidente foron recibindo a alta durante as últimas semanas. Dez deles encontrábanse no Hospital Montecelo e os tres restantes foran trasladados ao Hospital Domínguez.
Todos eles presentaban politraumatismos e diferentes cortes. Dous dos feridos tiveron que ser intervidos cirurxicamente aínda que, en ningún momento, se temera pola súa vida.