A decisión de Sanxenxo de apoiar aos comuneiros de Noalla na súa reivindicación da titularidade da praia da Lanzada chega este luns ao Pleno Municipal do Grove.
O goberno local meco pretende aprobar unha moción para "defender o que lexitimamente nos pertence", asegurou o alcalde meco, Miguel Pérez.
O rexedor do Grove explicou que a moción "vai no sentido de rexeitar calquer intento de modificación destes lindes e solicitarlle incluso ao Concello de Sanxenxo que desista desta posibilidade".
Pérez asegurou ademais que "a partires de agora calquera cousa será respostada e resolta a través da solicitud formal que fagan si é que a chegan a facer".
O alcalde fixo estas declaracións nun acto no Centro Vacacional da Lanzada, onde coincidiu co tenente de alcalde de Sanxenxo, José Luis Rodríguez, quen defendeu a postura tomada por Catalina González, ausente na presentación.
Segundo Rodríguez "si hay un problema de que alguien cree que los linderos están mal se debe resolver", aínda que matiza que se "hay que empezar por los despachos, de acuerdo, hay que empezar por los despachos".
Rodríguez di confiar nunha negociación entre ambos os dous mandatarios, para rematar insinuando unha xudicialización deste asunto: "¿Que hay que llegar a los tribunales? Pues que se llegue a los tribunales. Pero no creo que haga falta" concluíu o tenente de alcalde.