O sacerdote Ricardo Vidal Vidal, ata o de agora párroco da parroquia de San Pedro de Bordóns, en Sanxenxo, renunciou. Foi como consecuencia da polémica xurdida nos últimos días por protagonizar un incidente no que losqueou un veciño.
O cura, que tamén levaba a parroquia de Dorrón, foi denunciado por ese veciño por uns feitos ocorridos durante a celebración das festas de Bordóns en honra a San Roque e á Virxe do Carmen o pasado domingo, 28 de xullo.
Tras o incidente, e a polémica xurdida, o Arcebispado de Santiago de Compostela fixo público un comunicado no que explica que o párroco "manifesta o seu máis profundo pesar" polo acontecido ese domingo.
Segundo o Arcebispado, móstrase "arrepentido" e pide "as máis sinceras desculpas" tanto ás persoas implicadas como ao resto de fregueses.
Ricardo #Vidal presentou a renuncia como párroco desta parroquia e esta foi aceptada polo Arcebispado.
Tamén o Arcebispado quixo transmitir que o sucedido "non ha de embazar a vida de entrega e servizo que a Iglesia brinda a toda a sociedade".