O Consello Superior de Investigacións Científicas (CSIC) inicia esta semana o programa de actividades que deseñou a Misión Biolóxica de Galicia para conmemorar en Pontevedra a Semana da Ciencia, en cuxa organización tamén colaboran a Estación Fitopatolóxica do Areeiro e a empresa Ence.
Este luns presentouse o programa nunha rolda de prensa celebrada no Liceo Casino, sede das actividades.
En representación do Liceo Casino falou o presidente en funcións Jaime Olmedo, que informou que ata o venres 23 de decembro poderase visitar a exposición cos 852 debuxos presentados ás tres categorías do concurso escolar "Conservación da natureza". Estes traballos son autoría do alumnado de centros de ensino das catro provincias galegas e da Comunidade de Madrid.
Ana Butrón, vicedirectora da Misión Biolóxica, e representante do CSIC, indicou que está iniciativa leva celebrándose 18 anos. "Es una manera de que nos conozcan", dixo.
Rosa Ana Malvar, responsable de Cultura Científica na Misión Biolóxica, animou a toda a cidadanía a que acuda o xoves 22 de novembro á conferencia "O feitizo xenético dos Austrias", a cargo de Gonzalo Álvarez Jurado, catedrático en Xenética da Universidade de Santiago de Compostela e "un grandísimo comunicador capaz de hacer fácil algo difícil".
Recentemente iniciou unha liña de investigación interdisciplinar na que se combinan a xenética, a historia e a arte, e na que se utilizan as dinastías reais europeas da Idade Moderna como modelos para o estudo dos fenómenos xenéticos relacionados coa consanguinidad humana. Neste contesto, centrará a súa intervención nos Habsburgo, cuxa rama gobernou os territorios do Imperio Español desde o ano 1516 ata 1700. O último rei da dinastía, Carlos II "O enfeitizado", faleceu sen deixar descendencia.
Antonio de Ron, promotor da Semana da Ciencia e presidente da Sociedade de Ciencias de Galicia, indicou que nas instalacións da Misión Biolóxica, na parroquia pontevedresa de Salcedo, desenvolveranse diversos talleres didácticos para estudantes de secundaria con itinerarios baseados nas liñas de investigación abertas neste centro.
Con estes talleres "poñemos semillas", sinalou, para que os mozos achéguense á ciencia e resaltou que coas frecuentes visitas escolares que acoden a coñecer as súas instalacións "la percepción social está mejorando" e neste senso "la divulgación es importante" sobre todo aquela dirixida aos máis pequenos, aínda que recoñeceu que "aún queda camino".