O Concello de Ponte Caldelas fixo efectivas o 72% das axudas directas dirixidas a autónomos, así como pequenas e medianas empresas do municipio e co obxectivo de facer fronte aos gastos fixos mensuais. Estas transferencias bancarias realizáronse a 90 das persoas solicitantes, dun total de 125 recibidas.
Ditas axudas están dotadas de 400 ou de 200 euros. Das que xa se formalizaron, o 62% estaban dotadas coa primeira cantidade, isto son 56 solicitudes; e os 34 restantes dotadas con 200 euros. As axudas que quedan pendentes iranse facendo chegar a medida que se completen os expedientes, segundo infórmase desde a administración local.
As achegas económicas pretenden axudar a negocios que tiveron que pechar o pasado 17 de marzo, e que son as de maior contía; así como aos que reduciron a súa actividade desde mediados de marzo consecuencia da pandemia. Axudas que "son unha inxección directa para os autónomos e pemes de Ponte Caldelas, que axuda cando máis se precisa para que poidan facer fronte aos gastos fixos e reabrir sen sentirse axfisiados", sinala o Concello.