O colexio A Inmaculada de Marín celebra un ano máis o seu Festival de Entroido. O venres 9 de febreiro, os estudantes de Educación Infantil, Primaria e Secundaria animaron ao público coas coreografías e o desfile que realizaron no polideportivo
O tema seleccionado para esta edición foi "un bosque animado de fantasía". Con iso, os alumnos lembraron os incendios que arrasaron os bosques galegos e renderon unha homenaxe á súa flora e fauna.
Marín encheuse de vida e maxia grazas ás meigas, fadas, trolls, elfos, árbores, animais e demais personaxes que participaron nas actividades.
O sábado 10 de febreiro continuaba a diversión no desfile que organiza o concello de Marín. Foron os espantallos, o bosque animado, os trolls e o grupo arcoíris os encargados de representar o centro, levándose o primeiro e segundo premio na categoría de comparsas.