OCasino Mercantil de Pontevedra realizará un documental conmemorativo da súa traxectoria durante estes 90 anos. A recollida de información comezará a finais de marzo ata o mes de abril, na súa sede social.
O equipo de gravación recollerá os acontecementos que tiveron lugar ao longo dos anos no Mercantil, actividades culturais, deportivas e musicais. Trátase dunha homenaxe aos socios que, xeración tras xeración, pasaron por esta sociedade.
A xunta directiva convida os socios a colaborar no proxecto achegando fotografías, anécdotas, vídeos e gravacións. Todo aquel que queira contribuír poderá facelo a través do correo electrónico volvemosaprimeraproducciones@gmail.com ou o teléfono 654631555 (Pablo).