O alcalde de Cuntis, Manuel Campos Velay, alerta da precariedade sanitaria na que se encontra o Centro de Saúde da localidade, no que este xoves non contaban con ningún facultativo dos tres que conforman a plantilla.
O rexedor comunicou ao xerente da área sanitaria de Pontevedra a gravidade da situación e o total rexeitamento do goberno local de Cuntis a unha precariedade que considera “intolerable”-
O dirixente socialista móstrase firme na defensa dunha atención primaria sanitaria de calidade á que teñen dereito todos os veciños e veciñas de Cuntis. “O que temos moi claro é que estamos ante un problema transcendente. Coa saúde da nosa xente non imos consentir que ninguén xogue”, advertiu.
Explica o mandatario que o Centro de Saúde de Cuntis conta con tres facultativos e polo tanto, non se pode consentir este vacío que sen dúbida estase a repetir moi a miúdo. O alcalde recorda á Consellería a súa obriga de sustituir as vacacións do persoal médico a fin de garantir unha sanidade de calidade. “Non quero entrar en polémicas pero esto é consecuencia dunha política sanitaria que nunca priorizou a saúde dos cidadáns”, rematou.