"É un pirata psicópata, pero é dos nosos". Así xustificaba un seguidor entusiasta o seu apoio ao veciño Benito Soto, o sanguinario pirata da Moureira, o último pirata do Atlántico.
Xunto coa tripulación do Burla Negra o capitán pirata asaltou a Boa Vila converténdose en referencia durante a noite deste martes de Entroido.
O desembarco pirata recreou a invasión en Pontevedra dos exércitos inglés e francés, expulsados da cidade por Benito Soto.
Os tres barcos, o Burla Negra de Benito Soto, o Morning Star inglés e o Trois Mers francés, repartíronse por diferentes espazos da zona vella para animar esta Noite Pirata.
Foi ata que todos eles se atoparon para recrear a batalla que acabaría por expulsar os exércitos invasores.
Todo iso acompañado por animación polas rúas, sen que faltase moito redobre de tambores, lume e diversión a cargo da asociación Combrus, Troula e Vamos a Todo.
Milleiros de persoas, moitas delas disfrazadas para a ocasión, seguiron as recreacións que se desenvolvían arredor dos barcos polas distintas rúas e prazas.
Xa ás 21.30 horas, o grupo Somoza Trío iniciaba su concierto no escenario da Praza da Ferrería.
Durante a noite, os pasarrúas piratas invadían o centro histórico coa participación de Os da Caña, Solfamidas, Las Flores del Carnaval, Os Miúdos, As Sonecas, Os Paparrulos, Os Canecos, Os 100Tolos, Os Retrincos, Os Amigos dos Rapaces e Alegría de Bora.