A praza da Pedreira foi un ano máis o lugar elixido pola asociación cultural Trépia para celebrar o seu tradicional magosto, unha celebración que, como non podía ser doutro xeito, incluíu moita música, baile e festa rachada.
Este magosto, xa convertido nun clásico do outono pontevedrés, ofreceu os seus habituais ingredientes: castañada, tiznada e unha foliada.
Na parte musical foron actuando membros da asociación cultural, que fixeron bailar ao público que se achegou a celebrar a chegada do outono con eles.