Un bar de Pontevedra recibiu a primeira denuncia por ignorar as restricións impostas pola incidencia da covid-19 e, a pesar do peche decretado na hostalería, decidiu abrir as súas portas este sábado e recibir a clientes. Foi contra as nove da mañá.
A portavoz do goberno municipal, Anabel Gulías, non concretou de que local se trata, pero o Concello aclarou que está no centro histórico. Tamén se denunciou a tres persoas que estaban no seu interior sen máscara e xuntarse sen seren convivintes.
Ademais, estes tres pontevedreses tamén foron sancionados por infrinxir outra das restricións, a prohibición de reunión entre persoas que non sexan conviventes.
Esta foi a única intervención da Policía Local de Pontevedra que, durante esta fin de semana, supuxo unha proposta de sanción aos cidadáns.
Si houbo máis durante o resto da semana, segundo informou Gulías, que desvelou unha denuncia sobre unha festa que se estaba celebrando nun domicilio, onde foron sancionadas as catro persoas que participaban nela, ningunha convivente.
No últimos sete días tamén se denunciou a unha cuarta persoa -a maiores dos tres identificados no bar- por non levar máscara e a outras dúas persoas por reunirse con alguén co que non convivían.
Tamén foron sancionadas catro personas que, sen cumprir o peche perimetral decretado en Pontevedra, pretendían entrar no municipio sen xustificación.